حوزہ نیوز ایجنسی کی رپورٹ کے مطابق، امام جمعہ ملبورن اور شیعہ علماء کونسل پاکستان شعبہ آسٹریلیا کے رہنما حجت الاسلام اشفاق وحیدی نے آج نماز جمعہ کے اجتماع سے خطاب کرتے ہوئے کہا: دور حاضر میں مرجعیت ایک ایسی طاقت ہے جس سے طاغوت کی نیندیں حرام ہو چکی ہی۔
انہوں نے کہا: عوام کی خدمت انسانی حقوق اور جمہوریت کی عملی جو تصویر نظر آتی ہے وہ نظام ولایت فقیہ ہے۔ دنیا میں بسنے والے لوگوں کی خدمت کرنا اور مہنگائی، بے روز گاری، افلاس و غربت دور کرنا عادلانہ نظام سے ہی ممکن ہے۔
حجت الاسلام اشفاق وحیدی نے کہا: ہم اہلبیت اور سیرت معصومین علیہم السلام سے ہدایت اور رہنمائی لے کر ہی کامیاب زندگی بسر کر سکتے ہیں۔ آج عوام جن مشکلات کا شکار ہے وہ صرف اور صرف کربلا سے دوری کا نتیجہ ہے۔
امام جمعہ ملبورن نے مزید کہا: ہمیں ظالم اور جبر سے نفرت اور مظلوموں سے پیار کر کے اپنے اخلاقی معیار کو بلند رکھنا چائے تاکہ ہم معاشرے میں اپنے اپنے مذہب کی صحیح تصویر پیش کر سکیں۔
